كامىلجان ناسىر

كامىلجان ناسىر دىلداش

كامىلجان ناسىر (دىلداش) 1970-يىلى 2-ئاينىڭ 7-كۈنى قەشقەر ۋىلايىتى يېڭىشەھەر ناھىيەسى نىڭ ھاراپ يېزىسى دىكى مەرىپەتپەرۋەر تېۋىپ ئائىلىسىدە تۇغۇلغان. ھازىر شىنجاڭ ئۇيغۇر ئاپتونوم رايونلۇق يازغۇچىلار جەمئيىتى، قەشقەر ۋىلايەتلىك يازغۇچىلار جەمئىيىتى، شىنجاڭ ئۇيغۇر ئاپتونوم رايونلۇق ئۇيغۇر تېبابەت ئىلمى جەمئىيەتلىرىنىڭ ئەزاسى. شىنجاڭ ئۇيغۇر ئاپتونوم رايونلۇق ياش، مىللى تېۋىپ-دورىگەرلىك تەتقىقات جەمئىيىتىنىڭ ھەيئەت ئەزاسى، قەشقەر ۋىلايەتلىك ئۇيغۇر تېبابىتى ئىلمى جەمئىيىتىنىڭ ئەزاسى.


ئۇيغۇرچە ئىسمى كامىلجان ناسىر
دۆلەت تەۋەلىكى جۇڭگو
يۇرتى يېڭىشەھەر ناھىيەسىنىڭ ھاراپ يېزىسى
كەسپى تېبابەتچى، يازغۇچى
باشقا نامى كامىلجان ناسىر دىلداش
مىللىتى ئۇيغۇر
تۇغۇلغان ۋاقتى 1970-يىلى 2-ئاينىڭ 7-كۈنى
ئەدەبىي تەخەللۇسى دىلداش

چوڭ ئىشلار

سۆرەت ۋە ۋىدىيولار

سۆرەتلەر

ۋىدىيولار

كامىلجان ناسىر (دىلداش) 1970-يىلى 2-ئاينىڭ 7-كۈنى قەشقەر ۋىلايىتى يېڭىشەھەر ناھىيەسى نىڭ ھاراپ يېزىسى دىكى مەرىپەتپەرۋەر تېۋىپ ئائىلىسىدە تۇغۇلغان. ئىلگىرى- ئاخىرى بولۇپ ھاراپ يېزلىق بازار باشلانغۇچ مەكتەپ. يېڭىشەھەر ناھىيەلىك 1-ئوتتۇرا مەكتەپلىرىنىڭ تۇلۇقسىز ئوتتۇرا سىنىپلىرىدا ئوقۇغان. 

1986-يىلىدىن 1988-يىلى 7-ئايغىچە جەنۇبى شىنجاڭ بويىچە ئىچىلغان 5-قارار ئۇيغۇر تىۋىپلىرىنى تەربىيەلەش سىنىپىدا ئوقۇپ 1988-يىلى 8-ئايدىن 1994-يىلى 9-ئايغىچە يېڭىشەھەر ناھىيەلىك ئۇيغۇر تېبابەت شىپاخانىسىدا ئىشلىگەن. 

1994-يىلى 9-ئايدىن 1997-يىلى 7-ئايغىچە قەشقەر تېببى تېخنىكوم مەكتىپىنىڭ غەرىپچە داۋالاش كەسپىدە ئوقۇغان. 

1997-يىلى 9-ئايدىن بۇيان يېڭىشەھەر ناھىيە بازىرىدا ئەلشىپا داۋاخانىسىنى ئىچىپ داۋالاش بىلەن شۇغۇللۇنۇپ كېلۋاتىدۇ. 

كامىلجان ناسىر (دىلداش) ھازىر شىنجاڭ ئۇيغۇر ئاپتونوم رايونلۇق يازغۇچىلار جەمئيىتى، قەشقەر ۋىلايەتلىك يازغۇچىلار جەمئىيىتى، شىنجاڭ ئۇيغۇر ئاپتونوم رايونلۇق ئۇيغۇر تېبابەت ئىلمى جەمئىيەتلىرىنىڭ ئەزاسى. شىنجاڭ ئۇيغۇر ئاپتونوم رايونلۇق ياش، مىللى تېۋىپ-دورىگەرلىك تەتقىقات جەمئىيىتىنىڭ ھەيئەت ئەزاسى، قەشقەر ۋىلايەتلىك ئۇيغۇر تېبابىتى ئىلمى جەمئىيىتىنىڭ ئەزاسى.

كامىلجان ناسىر (دىلداش) 1984-يىلى «شىنجاڭ گېزىتى» دە ئېلان قىلىنغان «سالام ئۇستاز» ناملىق شېئىرى بىلەن ئەدەبىيات سېپىگە كىرىپ كەلگەن. شۇنىڭدىن بۇيان ئۇنىڭ ئاپتونۇم رايونىمىزدىكى ھەر دەرجىلىك گېزىت-ژۇرناللاردا 500 پارچىدىن ئارتۇق شېئىرى، «غەم باسقان كۈلكە»، «ئاي كۈلگەن كېچە» ناملىق 50 پارچەدىن ئارتۇق ھېكايە-نەسىرىلىرى، «ئۇيغۇر تىبابىتىنىڭ ئارتۇقچىلىقى ۋە يىتەرسىزلىكىگە نەزەر»، «تەڭگە تەمرەتكۈسى (كالا تەمرەتكۈسى) نى داۋالاشتىكى يېڭى بايقاش» قاتارلىق 30 پارچىدىن ئارتۇق ئىلمى ماقالىسى، 300 پارچىدىن ئارتۇق تېببى ساۋات خاراكتېرلىق ماقالىلىرى ئېلان قىلىنغان.

2001-يىلى قەشقەر ئۇيغۇر نەشرىياتى تەرىپىدىن «ياشا يۈرىكىم، ياشا مۇھەببىتىم» ناملىق شېئىرلار توپلىمى نەشىر قىلىنغان. «بىلەمسەن»، «بىۋاپا»، «ھەسرەت»، «ئەقىدەڭگە ئاشىقمەن»، «بىلمەيسەن» قاتارلىق 20 پارچىدىن ئارتۇق شېئىرىغا مۇزىكا ئىشلىنىپ كەڭ خەلق ئاممىسىنىڭ ياقتۇرشىغا ئېرىشكەن. ئۇ سىناريسىنى يىزىپ رەتلىگەن ۋە رىجسورلۇق قىلغان «يىپەك يولىدىكى كۈلكە ساداسى» ناملىق بەدئىي فىلىم شىنجاڭ ئۈن-سىن نەشىرياتى تەرىپىدىن نەشىر قىلىنغان. «زەرەپشان چېچەكلىرى»، «ئۇيغۇر يېڭى دەۋر بالىلار قوشاقلىرى» ناملىق توپلاملارغا  بىر قىسىم شېئىرلىرى كىرگۈزۈلگەن. 

يېڭىشەھەر ناھىيەسى نەشىر قىلدۇرغان «ئۇيغۇ خەلق قۇشاقلىرى» ناملىق كىتاپقا ئۇ توپلىغان مۇھەببەت قوشاقلىرى كىرگۈزۈلگەن. ئون پارچە مۇھەببەت لېرىكىسى خەنزۇ تىلىغا تەرجىمە قىلىنغان.

«دەۋرىمىز تېۋىپلىرى»، «مەن شاھىد يىللاردا» ناملىق پوۋىست ھېكايىلەر توپلامى، «مەڭگۈلىك بالىلىق» ناملىق بالىلار شېئىرى توپلامى، «تېرە كېسەللىكىلىرىنى داۋالاشتىكى يېڭى بايقاشلار» «سىناقتىن ئۆتكەن ئاددى رىتىسىپلار» ناملىق كىتاپلىرىنى نەشىرگە سۇنغان. داۋالاشقا ئائىت 5 پارچە ئىلمى ماقالىسى ئاپتونوم رايون ۋە ۋىلايەت بويىچە مۇكاپاتقا ئېرىشكەن.

كامىلجان ناسىر (دىلداش) نىڭ «سالام ئۇستاز» (شېئىر)، «غەم باسقان كۈلكە»، «ئاي كۈلگەن كېچە»، «ئۇيغۇر تىبابىتىنىڭ ئارتۇقچىلىقى ۋە يىتەرسىزلىكىگە نەزەر»، «تەڭگە تەمرەتكۈسى (كالا تەمرەتكۈسى) نى داۋالاشتىكى يېڭى بايقاش»، «ياشا يۈرىكىم، ياشا مۇھەببىتىم»(شېئىرلار توپلىمى)، «بىلەمسەن»، «بىۋاپا»، «ھەسرەت»، «ئەقىدەڭگە ئاشىقمەن»، «بىلمەيسەن»، «دەۋرىمىز تېۋىپلىرى»، «مەن شاھىد يىللاردا»، «مەڭگۈلىك بالىلىق»(بالىلار شېئىرى توپلامى)، «تېرە كېسەللىكىلىرىنى داۋالاشتىكى يېڭى بايقاشلار» «سىناقتىن ئۆتكەن ئاددى رىتىسىپلار» قاتارلىق ئەسەرلىرى بار. 

كامىلجان ناسىر (دىلداش) ئىجادىيەتتىكى قىزغىنلىقى بىلەن قەشقەر ئەدەبىياتىدا تەرجىمىھالى تونۇشتۇرۇلغان. ئۆز كەسپدىكى كۈچلىك مەسئۇلىيەتچانلىقى، تۇغماسلىق كېسىلى، ئۆسمە كېسەللىكلىرى، ئۆت ۋە بۆرەكتىكى تاشنى چۈشۈرۈشتىكى ئالاھىدىلىكى ۋە مول تەجىربىسى بىلەن بەلگىلىك نوپۇز تىكلەپ شىنجاڭ ئۇيغۇر ئاپتۇنۇم  رايونىدىكى بىر قىسىم گېزىت ۋە رادىئو ئىستانسىسى تەرىپىدىن تەشۋىق قىلىنغان.«يېڭىشەھەر مائارىپى» ناملىق كىتاپنىڭ يېڭىشەھەردىكى مەشھۇر شەخسلەر قىسىمىغا تەرجىمەھالى كىرگۈزۈلۈپ، ئەل ئارسىدا «ئىشىقنى ئىجاتقا، مېھرىنى بىتاپقا» بەرگەن تېۋىپ دېگەن باھاغا ئېرىشكەن.

ئىشقىنى ئىجادقا، مېھرىنى بىتاپقا بەرگەن ياش تىۋىپ كامىلجان ناسىر (دىلداش) ئاتا كەسپىگە ۋارىسلىق قىلىپ، بىر تەرەپتىن بىتاپلار ئۈچۈن كۈچ چىقارسا يەنە بىر تەرەپتىن ئىشتىن سىرىتقى ۋاقىتلىرىدىن ئۈنۈملىك پايدىلىنىپ، ئىزچىل ئەدەبى ئىجادىيەت بىلەن شۇغۇللۇنۇپ كەلگەن. داۋالاش، ساقلىقنى-ساقلاش قۇشۇنىدا ئۆز تىرىشچانلىقى ۋە تەلەپچانلىقى بىلەن بەلگىلىك كەسپى ساپا ھازىرلاپ، ھەر مىللەت بىمارلىرىنىڭ قىزغىن ھىمايىسىگە ئىرىشىش بىلەن بىرگە، ئۇيغۇر تىبابىتى بۇيۇنچە ۋىراچلىق، غەرىپ تىبابىتى بۇيۇنچە فىلشىرلىق ساھاليىتىگە ئىرىشكەن. ئەدەبى ئىجادىيەتتىمۇ بەلگىلىك نەتىنجىلەرنى قولغا كەلتۈرگەن.[0]

پايدىلانغان ماتېرىياللار:

0.

شىنجاڭ يازغۇچىلار تورى 

http://bbs.xjzjxh.com/forum.php?mod=viewthread&tid=5430

مەنىداش سۆزلۈك:

ئىزدە قامۇسىدىكى مەزمۇنلارنى ئەزالار يوللىغان، بېكەتتىكى مەزمۇنلار ئىزدە تورىنىڭ مەيدانىغا ۋەكىللىك قىلمايدۇ. تېببىي، ئىقتىسادىي، پۇل-مۇئامىلە قاتارلىق ساھالەردە كەسپ ئەھلىلىرىدىن مەسلىھەت سوراڭ.

0 نومۇر (0 كىشى باھالىدى)
  • 5 يۇلتۇز(نوپۇزلۇق):
    NAN%
  • 4 يۇلتۇز(كەسپىي):
    NAN%
  • 3 يۇلتۇز(ئىسىل):
    NAN%
  • 2 يۇلتۇز(ياخشى):
    NAN%
  • 1 يۇلتۇز(ئادەتتىكىچە):
    NAN%

يۇقارقى سۆزلۈك مەزمۇنىدا خاتا ئۇچۇرلارنى، ئىملا خاتالىقىنى بايقىغان ياكى تولۇقلاشقا تېگىشلىك دەپ قارىغان بولسىڭىز، ئىزدە قامۇسىغا ئەزا بولۇپ كىرىپ، تەھرىرلەپ قويسىڭىز بولىدۇ. ئىزدە قامۇسى ھەممە ئادەم يازالايدىغان، ھەممە ئادەم تەھرىرلىيەلەيدىغان ئۇچۇق ئىنىسكىلوپېدىيە.

تەھرىرلەشكە قاتناشقانلار:

چىكىنىش

#title

#video#